Policia e Tiranës, dhe më konkretisht Shërbimet e Komisariatit të Policisë Nr3 kanë bërë të mundur arrestimin në flagrancë të katër vëllezërve.
Mësohet se më parë është arrestuar Napulon Luca, 23 vjeç, banues në Tiranë , i dënuar më parë për veprat penale të “Shkatërrimit të pronës “dhe “Kanosjes”.
Ai është arrestuar, pasi në vendin e quajtur rruga “Princ Vidi”, Tiranë është kapur duke vjedhur në banesën e L. M., 46 vjeç.
Gjatë intervistimit të personit në fjalë. 23-vjeçari ka pranuar se është autor i disa vjedhjeve të tjera të ndodhura më konkretisht:
-Më datë 01.01.2017 vjedhje banese ku ka marrë 7.000 lekë dhe orë dore me vlerë 100 euro.
-Më datë 06.01.2017 vjedhje banese ku ka marrë 16.000 lekë.
-Më datë 07.01.2017 vjedhje në një magazinë ku ka marrë një sasi kabulli elektrik.
Por, e gjithë kjo ngjarje nuk ka përfunduar këtu, pasi policia ka arrestuar edhe tre vëllezërit e tij.
Mësohet se Alush Luca, 33 vjeç, Hajri Luca, 25 vjeç, dhe Dritan Luca, 27 vjeç u prangosen pasi gjatë shoqërimit në polici të vëllit të tyre, ata, në oborrin e Komisariatit kanë kanosur seriozisht për jetën dhe kanë goditur me grushte dhe shqelma D, Sh., 27 vjeç, i cili është nipi i kallëzuesit L, M të cilit i ishte vjedhur banesa nga Napulon Luca.
Materialet iu kaluan Prokurorisë pranë Gjykatës së Shkallës së Parë Tiranë për veprat penale të “Plagosjes së lehtë me dashje“ në bashkepunim dhe “Kanosjes”.
