Polciia italiane ka arrestuar një 23-vjeçar shqiptar i cili doli para gjykatës nën akuzat e trafikut të drogës, vjedhjes dhe armëmbajtje pa leje.
I riu emri i të cilit nuk bëhet i ditur, u arrestua pas një kontrolli në banesën e tij në qytetin e Piacenza-s.
Ai u ndalua fillimisht në rrugë e më pas u kontrollua edhe banesa e tij.
23-vjeçarit iu sekuestruan 6 orë të markave të shtrenjta, të cilat arrin një vlerë totale 7 mijë euro. Pas hetimeve rezultoi se orët ishin vjedhur më 27 dhjetor në disa banesa në qytet.
Gjatë kontrollit të banesës së të riut shqiptar u sekuestruan edhe 28 gram kokainë, 17 fishekë të kalibrit 6.35 të fshehur nën një pllakë në hyrje të shtëpisë, gjithashtu edhe bizhuteri të ndryshme.
Sipas Piacenza.com, shqiptari ndodhej në Itali në pritje të një përgjigje pas apelit për azil politik të refuzuar./a.m.
