Një i ri shqiptar është vënë në pranga e policisë italiane, pasi u kap në flagrancë jo pak por me 1.5 ton drogë.
Lajmi bëhet i ditur nga mediat italiane sipas të cilave në pranga ka rënë Abaz Mamo, 22 vjeç, ndërsa një tjetër shqiptar është shpallur në kërkim.
Ai u arrestua në Brindizi, pas iu zbuluan dhe sekuestruan lënda narkotike, e cila vinte nga Shqipëria.
Sipas mediave italiane, lënda narkotike, kishte ardhur nga Shqipëria, dhe u zbulua në një shtëpi, e cila ishte kthyer në një magazinë, ndërsa ruhej nga dy shqiptarët.
Droga ishte paketuar në sasi nga 5 deri në 25 kg dhe peshonte saktësisht 1 ton e 610 kg.
Në vendin e ngjarjes, krahas lëndës narkotike u zbuluan dhe u sekuestruan edhe dy pistoleta, një “Dan Ëesson” e kalibrit 357 dhe një “Beretta” e kalibrit 7,65.
22 vjeçari ndodhet tashmë në qelinë e paraburgimit, ndërsa policia është vënë në ndjekje të bashkatdhetarit tjetër.
