Policia italiane vijon sekuestrimin e sasive të mëdha të drogës që mbërrijnë nga Shqipëria. Një tjetër operacion i suksesshëm u zhvillua nga Guardia Di Finanzzia në zonën e Foggias ku gjatë orëve të para të mëngjesit u sekuestrua një jaht i mbushur me kanabis.
Sipas autoriteteve italiane, në bordin e jahtin janë gjetur një sasi prej 1.5 tonësh lëndë narkotike e llojit kanabis. Gjatë operacionit policia arrestoi edhe 3 shtetas shqiptarë. Sipas raportimeve, bëhet me dije se sasia e madhe e drogës u transportua nga Shqipëria përmes jahtit.
Aktualisht vijojnë hetimet për zbulimin e të tjerë personave të përfshirë në rrjetin e trafikut./a.m.
