Policia e Elbasanit ka vijuar me aksionet e befasishme në lokale dhe akse rrugore, ndërsa në pranga ka rënë një 37-vjeçar.
Burime zyrtare bëjnë me dije se është arrestuar, Elton (Kastriot) Kila, banues në lagjen “Qemal Stafa”, me qëllim ekstradimi për në Itali, pasi Prokuroria e Pescarës/Itali, ka lëshuar urdhrin e ndalimit ndërkombëtar datë 11.09.2018, për kryerjen e veprave penale “Organizata kriminale”, “Trafikim i narkotikëve”, “Mashtrim” dhe “Kallzim i rremë”.
Materialet u referuan në Prokurorinë pranë Gjykatës së Shkallës Parë Elbasan, për veprimet të mëtejshme.
a.ç
