Policia e Tiranës ka vënë në pranga një 29-vjeçar, i cili dyshohet se është autor i vjedhjes së disa banesave dhe lokaleve. Burime zyrtare nga policia bëjnë të ditur se në pranga ka rënë shtetasi Petrit Aruci, 29 vjeç, banues në Tiranë, i dënuar më parë për vjedhje dhe armëmbajtje pa leje.
Ndalimi i këtij shtetasi u bë, pasi ky shtetas dyshohet se më datë 03.05.2016, ka vjedhur banesat e shtetasve A. H. dhe Sh. Sh. Gjatë kontrollit të ushtruar në banesën e Arucit janë gjetur një sasi sendesh të vjedhura në banesat e shtetasve të mësipërm si dhe në ngjarje te tjera në zonën e Kamzës.
Sendet e gjetura dhe të sekuestruara në cilësinë e provës materiale:
- Një trapan i markes BLACK&DECKER
- Një pompë uji zhytese, e markës APC TECHNOLOGY
- Një monitor Kompjuteri, HP
- Një pompë uji e markës PEDROLLO
- Një sharrë druri elektrke e markës AZQELIK TSEK
- Një gjenerator i markës HONDA
- Një matrapik i markës BOSCH
- Një pompë uji e markës DAP
- Një kuti metalike me çelesa, te llojeve të ndryshme
- Disa rrokelë me tel elektrik me ngjyra të ndryshme
Gjithashtu është arritur të dokumentohet se shtetasi Petrit Aruci është autor i disa ngjarjeve të ndodhura në juridiksionin e Komisariatit të Policisë nr 5 Tiranë:
Vjedhje e mbetur në tentative e banesës së shtetasit Sh. Sh., ngjarje e ndodhur më datë 13.01.2015
Vjedhje e banesës së shtetasit N. S., ngjarje e ndodhur më datë 24.01.2016.
Vjedhje banese e shtetasit A. C., ngjarje e ndodhur më datë 30.01.2015.
Vjedhje e lokalit të shtetasit N. Z., ngjarje e ndodhur më datë 13.02.2016.
Vjedhje e banesës së shtetasit K. M., ngjarje e ndodhur më datë 28.02.2016.
Vjedhje e banesës së shtetasit Sh. L., ngjarje e ndodhur më datë 11.04.2016.
Materialet proceduriale iu kaluan Prokurorisë pranë Gjykatës Shkallës së Parë Tiranë për veprën penale të “Vjedhjes”, parashikuar nga Neni 134 i Kodit Penal.
BW/d.i.
