Policia e Tiranës ka ndërmarrje një aksion ku ka vënë në pranga 5 persona të akuzuar për gjobvënie, mes të cilëve është edhe Pajtim Serjani, i cili ishte shënjestra e atentatit të 5 janarit në rrugën e Kavajës ku edhe mbeti i plagosur.
Operacioni i bluve të Tiranës i koduar “Burgu Skajp” u zhvillua në bashkëpunim me Prokurorinë për Krimet e Rënda, pas një hetimi disa mujor. Nga të dhënat paraprake bëhet e ditur se gjithçka ka nisur pas denoncimit të një biznesmeni.
Grupi kriminal dyshohet se vinte gjoba ndaj biznesmenit ndërsa më pas kërkonte 10% të xhiros vjetore, duke e kërcënuar.
Policia e Tiranës ekzekutoi 5 masa sigurie “Arrest me burg” për shtetasit:
1 – Genc Shpetim Ferati, 37 vjeç, i cili po vuan një dënim në IEVP Peqin, i dënuar më parë për “Vrasje”;
2 – Pajtim Xhevair Serjani, 33 vjeç, banues në Tiranë, i dënuar më parë “Për moskallzim krimi”;
3 – Arianit Gezim Luli, 31 vjeç, banues në Tiranë;
4 – Ditmar Dilaver Reçi, 31 vjeç, banues në Tiranë;
5 – Klevis Ali Kardashi, i njohur me nofkën “Kinezi”, 32 vjeç, banues në Tiranë.
Ndërkohë janë shpallur në kërkim:
– shtetasi me iniciale E. K. 27 vjeç, banues në Tiranë, i dënuar më parë, për “Armëmbajtje pa leje,”si edhe shtetasi me iniciaale A. H. 45 vjeç, banues në Durrës, i dënuar më parë, për “Vrasje”.
Sipas policisë, këta persona në bashkëpunim me njëri-tjetrin, nga data 6 shkurt 2015 e në vazhdim me anë të shtrëngimit, kanosjes dhe dhunës fizike e psiqike i kanë marrë përqindje aksionesh nga aktiviteti i biznesit një shtetasi në Tiranë, si dhe i kanë kërkuar një shumë parash, duke pretenduar ndarjen e fitimeve nga aktiviteti tregëtar.
Grupi drejtohej nga shtetasi Genc Ferati, i cili komunikonte nga qelia e burgut të Peqinit nëpërmjet rrjeteve sociale, me të dëmtuarin dhe bashkëpunëtorët e tij.
Policia e Tiranës sekuestroi në cilësinë e provës materiale:
· 200 copë kartmonedha të prerjes 100 euro të falsifikuara
· 5 aparate celularë
· dy mjete, “Audi-Q-7” si dhe një mjeti i blinduar “Mercedes Benz”.
Materialet proceduriale do ti kalojne Prokurorisë për Krime të Rënda Tiranë për veprën penale të “Shtrëngim me anë të kanosjes për dhënie pasurie kryer në bashkëpunim”
Redaksia Online
(Javanews.al)
