Mediat greke publikojnë detaje të reja në lidhje me gomonen me drogë të kapur nga policia një ditë më parë, pasi ishte nisur nga jugu i Himarës.
Sipas mediave greke, droga e sekuestruar brenda gomones 12 metra të gjatë i kalon 2 tonë.
Në pranga ranë 6 persona, 4 shqiptarë dhe dy italianë. Operacioni zgjati 48 orë. Gomonia, të paktën 12 metra e gjatë, me 3 motorë nga 350 kuaj fuqi secili, u kap në thellësi të ujërave greke, pasi nisja e saj ishte interceptuar më parë nga brigjet shqiptare.
Autoritetet i bënë shenjë gomones të ndalojë, por ishte e pamundur, ndaj filloi ndjekia për gati 22 orë. Pasi është qëlluar me snajper, gomonia është ndalur dhe 3 personat që ndodheshin në të u arrestuan.
Bëhet fjalë për dy shtetas shqiptarë dhe një italian, ndërsa dy shqiptarë të tjerë dhe një italian u arrestuan në Athinë.
Saktësohet se gjatë ndjekjes, policia greke ka hapur zjarr në drejtim të gomones, duke lënë të plagosur njërin prej trafikantëve.
***
Roja bregdetare greke ka ndaluar një gomone dhe ka vënë në pranga tre persona pas një operacioni nga deti dhe ajri që ka zgjatur 22 orë. Sipas informacioneve të policisë mësohet se në gomonen e ndaluar është sekuestruar një sasi e konsiderueshme kanabisi, por nuk bëhet e ditur sasia.
Nga të dhënat e para dyshohet se gomonia me 3 motorë nga 350 kuaj fuqi është nisur e ngarkuar me një sasi të madhe kanabisi mbrëmjen e së premtes nga brigjet shqiptare.
Roja bregdetare kishte informacion per ngarkesën, ndaj dhe nisi ndjekjen e gomones që në veri të Korfuzit.
Ndalimi i saj është bërë i mundur pas 22 orësh në afërsi të ishulli Tzia në jug të Athinës, pasi janë nxjerrë përdorimit motorët që u qëlluan me snajperë. Në prangat e policisë kanë rënë dy shtetas shqiptarë dhe një grek, identiteti i të cilëve nuk bëhet i ditur.
Gomonia u ndalua pasi motorrët u goditën nga snajperistet e policisë që ndiqnin gomonen me helikopter.
a.ç
