Arrestohet autori i dyshuar i vrasjes së 81-vjeçarit Xhemal Meta në Zall Bastar. Shtetasi Isuf Hasa është kapur nga autoritetet dhe akuzohet për krimin e rëndë. Në kuadër të hetimeve, është gjetur edhe sendi i përdorur në krim, si dhe paratë që janë vjedhur nga viktima.
Ngjarja e rëndë ndodhi në oborrin e shtëpisë së Xhemal Metës, ku trupi i tij i pajetë u gjet më 10 janar. Fillimisht, autoritetet e raportuan ngjarjen si një aksident, por hetimet më pas zbuluan dëmtime të rënda në kokën e të moshuarit, që ishin shkaktuar nga goditje me sende të forta.
Në vijim të hetimeve, u zbulua se ngjarja kishte karakter kriminal dhe pas një pune intensive, u identifikua dhe u arrestua autori i dyshuar, Isuf Hasa, që tashmë ndodhet në pranga. Hetimet vazhdojnë për të zbardhur plotësisht motivet e krimit dhe përfshirjen e të tjerëve, nëse ka.
Sipas tij, babain e gjetën të shtrirë për tokë dhe të gjakosur në hyrje të banesës dhe fillimisht dyshuan se ishte një ngjarje aksidentale.
Ai shtoi se i ati jetonte i vetëm në fshatin afër Tiranës, por që gjatë fundjavës vinte për vizitë te fëmijët në kryeqytet.
“Të hënën në mëngjes e kemi marrë disa herë dhe s’na është përgjigjur. E prisnim të vinte në Tiranë se kishim një rast aty në shtëpi. Jemi nisur drejt shtëpisë, rreth orës 10:30 e kemi gjetur të shtrirë përpara hyrjes së shtëpisë, në oborr.
Fillimisht menduam se ishte rrëzuar. S’kemi pasur konflikt me dikë që të mendonim se mund ta kishin vrarë. Kishte 20 vjet që jetonte këtu. Më tepër rrinte këtu, vinim dhe e vizitonim dhe në ditën e premte vinte në Tiranë tek ne.
Trupin nuk e prekëm, kemi marrë në telefon policinë dhe pasi iu bë ekspertiza zbuluam se ishte goditje nga mbrapa. S’ka pasur konflikte me njeri. Plaku e ka pasur mirë me të gjithë. Kemi lënë shtëpinë vetëm dhe s’ka ndodhur asgjë”, tha djali.
Ai shtoi se nuk ka asnjë person që dyshon se mund të ketë kryer aktin e rëndë.
I biri tha se shtëpia nuk ishte grabitur, por mungonte vetëm kuleta personale e të atit e cila nuk iu gjet në xhep.
“Nuk kemi pasur gjë brenda për ta vjedhur. Gjërat personale që kishte me vete, kuleta nuk është gjetur. Nuk kam asnjë dyshim pasi nuk kemi pasur konflikte të dyshoj tek dikush. Kjo është zonë e qetë, s’ka ndodhur kurrë gjë”, tha ai.
Në lidhje me ngjarjen policia ka shoqëruar për t’u pyetur 20 banorë të fshatit dhe po vijon punën për zbardhjen e plngjarjes.
