Një person që kaloi gardhin e Shtëpisë së Bardhë duke thirrur për “revolucion” i prishi ditën e Falënderimeve familjes Obama.
Joseph Caputto, nga Stamford i shtetit Connecticut, u ndalua nga agjentët e Shërbimit Sekret menjëherë pasi kaloi gardhin, i mbështjellë me flamurin amerikan dhe me një dosje që e mbante me dhëmbë.
Më pas u mësua se ai ishte një admirues i fiksuar i librave me ilustrime dhe që më parë kishte postuar në status në Facebook ku bënte thirrje për ndryshime në Kushtetutën e SHBA.
Menjëherë pasi ai hyri në oborrin e Shtëpisë së Bardhë, forcat e sigurisë bllokuan hyrjet dhe familja e presidentit, e cila ishte shtruar në drekë, u dërgua me urgjencë në një vend të sigurt brenda rezidencës, deri sa u kontrollua me imtësi gjithçka, për të parë nëse kishte rreziqe.
