Një shqiptar dhe gruaja e tij ruse, të moshës 33 e 28 vjeç, janë arrestuar mbrëmë nga policia italiane në Lucca pasi u kapën me drogë.
Gjithçka nisi pas një ndalimi rutinë nga patrulla e policisë e cila u ofron ndihmë shoferëve në vështirësi, por pyetjet e vazhdueshme duket se vunë në siklet çiftin.
Kur u pyetën se pse ndodheshin aq larg shtëpisë në atë orë të vonë të natës, përgjigjet e shqiptarit dhe ruses nuk ishin fort bindëse për karabinierët.
Autoritetet italiane kontrolluan makinën, ku gjetën dy pako të mbështjella me celofan, brenda të cilave ishin mbi 300 gramë kokainë e pastër, me vlerë tregu mbi 16 mijë euro. Bashkë me drogën, policia sekuestroi edhe makinën e çiftit.
a.ç
