Policia turke e Ipsalës ka arrestuar dy vajza dhe dy djem nga Shqipëria, të cilët në mjetin e tyre kishin 20 kilogram kanabis sattiva.
Burimet të “Panoramës” në Stamboll, thonë se droga u zbulua përmes skanerit me rreze X. Të rinjtë janë, Eri Vraja, nga Fushë-Kruja, Ervin Hidri nga Laçi, Ana Luto nga Ballshi dhe Elisara Arifaj nga Kukësi.
Ata ishin nisur nga Tapiza e Fushë-Krujës për në Turqi për pushime. Droga ishte fshehur në mjetin tip “Passat” të Eri Vrajës.
Ai madje i ka bërë edhe një vend të posaçëm në mjetin e tij drogës. Edhe pse dy vajzat thanë se nuk kishin dijeni për drogën, ato janë arrestuar nga Policia turke.
Mësohet se vajzat janë studente dhe të dashurat e dy djemve. Policia turke vazhdon hetimet për të gjetur destinacionin e drogës, ndërsa mësohet se Vraja ka marrë përsipër autorësinë e trafikut, citohet Zëri. (b.an)
