Policia ka arrestuar dy persona nga Kavaja që dyshohet se janë autorë të katër vjedhjeve të ndodhura gjatë muajit prill në këtë qytet.
Në pranga të aksionit të koduar “Vëzhgimi” ranë shtetasit N.R, 33 vjeç dhe A.H,37 vjeç, të dy banues në Kavajë dhe të dënuar më parë për vjedhje.
Sipas informacioneve të policisë lokale, dyshohet se ata kryenin vjedhje të banesave dhe lokaleve në Kavajë.
Në orët e para të mëngjesit të sotëm, u kapën në kushtet e flagrancës në banesën e shtetasit A.M, ku kishin hyrë për të vjedhur.
Shtetasit A.H gjatë kontrollit të ushtruar në automjet ju gjet dhe sekuestrua në cilësinë e provës materiale një sasi e vogël lëndë narkotike e ndarë në doza.
Në vijim të hetimeve, bazuar edhe në provat e grumbulluara dyshohet se këta shtetas janë autorë dhe të 4 vjedhjeve të tjera të banesave të ndodhura gjatë muajit prill në Kavajë, ku kanë grabitur televizorë, orendi shtëpiake, bizhuteri e sende të tjera.
/a.r
