Dy persona janë vënë në prangat e policisë së Vlorës, njëri i kapur mat me kokainë dhe tjetri i kërkuar për plagosje.
Pasditen e kësaj të marte, u vu në pranga Ervin Raba, 26 vjeç, banues në Vlorë.
Kapja dhe arrestimi i tij u bë në lagjen “Rilindja” Vlorë, pasi nga kontrolli i ushtruar në automjetin me të cilin ky shtetas udhëtonte, u gjetën 3 doza lëndë narkotike kokainë.
Gjithashtu po dje u arrestua Perlat Saliaj, 60 vjeç, banues në Vlorë.
Ndalimi i tij u bë pasi Gjykata e Vlorës e ka dënuar me rreth 3 muaj burg për veprën penale “Plagosje e lehtë me dashje”. Ndaj dy të dyshuarve materialet iu referuan Prokurorisë për veprime të mëtejshme.
/a.r
