Policia ka dërguar pranë gjykatës së Tiranë një procedim penal për 4 vajza të reja, të cilat janë kapur mat në një dyqan kozmetike duke vjedhur produkte bukurie.
Procedimi është nisur më datë 29 dhjetor dhe vajzat janë të moshës nga 22 deri në 27 vjeç. Të rejat kanë vjedhur në një qendër tregtare, disa produkte kozmetike që ishin vendosur në stendat e një dyqani.
Fatmirësisht për vajzat nuk do të ketë masa të ashpra pasi në këtë kohë gjykata është pushim, por të rejat duhet të shqetësohen pasi me vitin e ri nuk do ta nisin shumë “Mbarë”.
“Më datë 29.12.2017, u referuan materialet në Prokurorinë e Rrethit Gjyqësor Tiranë, për shtetaset, E.L, B.H, E.H dhe K.Z, vjeç 22, 24, 27 e 27, banuese në Tiranë, pasi dyshohet se në nje qender tregtare janë kapur duke vjedhur disa produkte kozmetike në stendat e nje dyqani”, sqaron policia. /b.d
