Dy të rinj janë arrestuar nga policia e Lushnjes me akuzën e trafikut të armëve dhe muncioneve. Në kuadër të operacionit të koduar “Transportuesi” policia arrestoi Ardit Bino dhe Alvaro Oruci pasi të dy po kryenin shitjen e një armë pistolte TT. Çmimi i armës varionte nga 50 deri në 60 mijë lekë të rinj.
Policia sqaron se: “Shtetasit e mësipërm, më datën 29.01.2017, në vendin e quajtur lokal “Çollaku” Lushnje, janë kapur në flagrancë në momentin që Arditi po i shiste Alvaros armën e zjarrit pistoletë tip TT, kundrejt shumës që do të varionte nga 50.000 deri 60.000 lekë të reja.”
U sekuestrua në cilësinë e provës materiale arma e zjarrit pistoletë tip TT dhe 2 aparate celulari.
Të arrestuarit janë:
1.Ardit Bino, 21 vjeç, banues në lagjen “20 Tetori”, Lushnje.
2.Alvaro Oruci, 27 vjeç, banues në fshatin Izvor, Tepelenë.
Materialet i kaluan Prokurorisë pranë Gjykatës së Shkallës së Parë Lushnje për veprat penale “Prodhimi dhe mbajtja pa leje e armëve dhe e municionit luftarak” dhe “Trafikim i armëve dhe municioneve” e kryer në bashkëpunim, parashikuar nga Nenet 278 dhe 278/a të Kodit Penal. /b.d
