Në dalje të Republikës së Shqipërisë, forcat e Policisë Kufitare të Kapshticës kanë kapur rreth 80 kg kanabis.
Sipas burimeve të A2 CNN, një automjet me drejtues rumun ka qenë duke udhëtuar drejt Greqisë.
Menjëherë është bërë i mundur arrestimi i drejtuesit të mjetit, ndërkohë që nuk dihet destinacioni i drogës.
Burimet bëjnë me dije se bëhet fjalë për një çift shtetasish rumunë të cilët kanë kërkuar të kalojnë në anën tjetër të kufirit nëpërmjet Kapshticës. Mësohet se automjeti i është nënshtruar kontrollit në skaner, aty ku është konstatuar edhe diçka e dyshimtë.
Kjo ka detyruar policinë të ushtrojë kontroll më të imët në mjetin e dy shtetasve rumunë. Dy shtetasit u shoqëruan në mjediset e Drejtorisë Vendore të Policisë së Korçës, aty ku do të merren në pyetje për sasinë e lëndës narkotike të gjetur në mjetin e tyre.
Nuk dihet ende nëse lëndën narkotike e kanë ngarkuar në Shqipëri apo diku tjetër.
/a.r
