Autoritetet kineze njoftuan se në kufi konfiskuan mbi 400 iPhone 7, të cilat kontrabanduesit i kishin fshehur, duke i shpërndarë nëpër trup.
Ngjarja ndodhi më 16 shtator dhe vetëm mëngjesin e asaj dite janë gjetur dhe konfiskuar 190 iPhone 7, që po transportoheshin ilegalisht.
Kjo ka ndodhur në të njëjtën ditë, që kompania Apple e ka lançuar pajisjen e saj të fundit shkruan Daily Mail.
Në fillim janë ndaluar shtatë persona, që udhëtonin nga Hong Kongu për në Shenzing. Telefonat, siç i shihni dhe në foto janë shpërndarë nëpër trup dhe në fund të këmbëve.
Më pas janë gjetur edhe shumë persona të tjerë, që provonin të kalonin në këtë mënyrë për t’iu shmangur taksave. Vlera monetare e tyre shkon deri në 3 milionë jen japonez ose rreth 350 mijë sterlina.
Sipas ligjeve në Kinë, gjatë udhëtimit lejohet vetëm një pajisje smart, sepse të tjerat konsiderohen kontrabandim.
BW/d.i.
