Partia Socialiste ka kërkuar marrje të masës disiplinore ndaj deputetëve të opozitës, Ervin Salianji, Petrit Dodës dhe Edomond Spahos.
Kërkesa e PS-së ka ardhur pas kaosit të shkaktuar ditën e djeshme në seancë plenare.
“Në seancën e datës 02.11.2023, deputetët e opozitës për të disatën herë, në thyerje të rëndë të Rregullores së Kuvendit dhe të Kodit të Sjelljes së Deputetit të Kuvendit të Shqipërisë, penguin zhvillimin e regullt të punimeve plenare, duke larguar nga vendet karriget e deputetëve të mazhorancës dhe vendosur si barrikadë përpara foltores duke e bllokuar si dhe duke përdorur lëndë piroteknike (flakadanë) në sallën e Parlamentit.
Në nisje të seancës, deputeti Ervin Salianji, zaptoi foltoren, duke penguar zhvillimin normal të punimeve plenare, si dhe i ndihmuar nga deputetët Petrit Doda dhe Edmond Spaho ndezi disa flakadanë në sallen e seancave”, thuhet në kërkesën e PS-së.
/a.r
