Koronavirusi ka pushtuar Italinë dhe i gjithë vendi është në këmbë. Virusi i tmerrshëm ka vendosur në kaos të plotë edhe futbollin, pasi nuk dihet se çfarë do të bëhet me kalendarin e Serie A dhe Kupës së Italisë.
Ditën e sotme, pritej që të hidhej dritë mbi ecurinë e kalendarit, pasi ishte caktuar për t’u mbajtur një asamble e jashtëzakonshme mes klubeve. Pjesëmarrja minimale duhet të ishte 14 klube, por as kjo nuk u arrit dhe asambleja nuk u mbajt.
Kaos total në Itali, teksa çdo gjë është pezull! Vetëm 9 klube ishin në asamble ditën e sotme dhe ato ishin: Inter, Juventus, Milan, Roma, Sassuolo, Udinese, Lazio, Fiorentina dhe Atalanta. 11 klubet e tjera nuk shfaqën asnjë drejtues dhe nuk morën pjesë, kështu që asambleja nuk arriti të zhvillohej.
g.kosovari
