“Shmangni në mënyrë absolute çdo zhvendosje, në Lombardi dhe në provincat e Modena, Parma, Piacenza, Reggio Emilia, Rimini, Pesaro e Urbino, Padova, Treviso, Venezia, Asti, Alessandria, Novara, Verbano-Cusio-Ossola dhe Vercelli”.
Është ky urdhri i fundit i firmosur në Itali nga Kryeministri Giuseppe Conte, i cili prek rreth 16 milionë persona.
Me këtë urdhër ndalohen hyrje-daljet në këto provinca, në mënyrë që të kufizohet në maksimum përhapja e koronavirusit.
Në këto zona deri në 3 prill është urdhëruar mbyllja e shkollave dhe pezullimi i aktiviteteve në kinema, teatër, salla kërcimi, salla lojërash, bingo etj.
Baret dhe restorantet mbeten të hapura deri në orën 18.00 me kusht që të respektojnë distancën prej një metri nga një klient tek tjetri.
Ndërsa për masat lidhur me provincat e tjera pritet një dekret i dytë, i cili do të përcaktojë me detaje aktivitetet.
Në Itali deri më tani numei i të prekurve nga koronavirusi ka arritur në 5883, prej tyre 233 viktima. Megjithatë transorti ajror vijon ende, ku shtatë fluturime të nisura nga qytetet europiane mbërritën në aeroportin e Malpensa të Milano, mëngjesin e së dielës.
/a.r
