Policia e Fierit ka arrestuar në flagrancë shtetasit Eneo Bubullima, 27 vjeç, banues në lagjen Sheq i Madh Fier, dhe File Avdiraj, 27 vjeç, banuese në Levan.
Shkaku i arrestimit ka qenë kanosja me armë zjarri kundrejt një shtetasi, ndërkohë që është sekuestruar edhe një pistoletë me 6 fishekë.
Ngjarja sipas policisë:
Njoftohemi se në një lokal Bar-kafe në lagjen 1 Maji, Levan, po ndodh një konflikt.
Menjëherë në vendngjarje kanë shkuar shërbimet e policisë të cilët kanë kapur në flagrancë shtetasen File Avdiraj duke fshehur armën tip pistoletë me të cilën shtetasi Eneo Bubullima, për motive të dobëta, ka kanosur shtetasin me iniciale R.M, 26 vjeç, banues në fshatin Levan.
“U sekuestrua në cilësinë e provës materiale arma e zjarrit tip pistoletë, dhe 1 krehër me 6 fishekë. Materialet i kaluan Prokurorisë pranë Gjykatës së Shkallës së Parë Fier për veprat penale Kanosja Prodhimi dhe mbajtja pa leje e armëve të ftohta dhe municionit dhe Veprime që pengojnë zbulimin e së vërtetës" parashikuar nga Nenet 84, 278/5 e 301 të Kodit Penal”, bën me dije policia.
NB/d.i.
