Një person është arrestuar pasi ka kanosur me armë të ftohtë një shtetas në Kamëz.
Policia njofton se u arrestua në flagrancë shtetasi Arben Lleshi, 34 vjeç , banues në Tiranë, i dënuar më parë për veprën penale “Vjedhja”, pasi rreth orës 11:30, në bulevardin “Bajram Curri”, ka kanosur me armë të ftohtë thikë, shtetasin F.K, 36 vjeç, banues në Kamëz. Gjatë kontrollit të ushtruar nga policia iu gjet dhe sekuestrua në cilësinë e provës materiale një thikë.
Materialet për këtë shtetas i`u referuan Prokurorisë së Rrethit Gjyqësor Tiranë për veprat penale “Kanosja” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 84 e 279 të Kodit Penal. /a.m.
