Ndërhyrja në kohë e policisë, parandalon një ngjarje kriminale brënda familjes.
Arrestohet në flagrancë shtetasi i cili kanosi me sëpatë kunatën e tij.
Në vijim të punës për parandalimin e ngjarjeve kriminale, Specialistët për Krimet, në Komisariatin e Policisë Librazhd, bënë arrestimin në flagrancë të shtetasit:
- Lytfi Skopeci, vjeç 32
Ky shtetas, u arrestua nga efektivat e policisë, pasi gjatë një konflikti për motive të dobëta, në oborrin e banesës ka kanosur me sëpatë kunatën e tij, shtetasen M.S, vjeç 31 banuese në fshatin Farret, por ndërhyrja e menjëhershme e policisë, solli si rezultat parandalimin e një ngjarje kriminale.
Gjithashtu ndaj shtetases M.S, vjeç 31, banuese në fshatin Farret Librazhd, u plotësua dhe një urdhër- mbrojtje, pasi bashkëshorti i saj, shtetasi F.S, vjeç 40, ka ushtruar dhunë fizike dhe psikologjike ndaj saj.
Nga veprimet e para hetimore, (sëpata) u sekuestrua në cilësinë e provës materiale.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga neni 130/a i Kodit Penal.
