Specialistët për Krimet në Komisariatin e Policisë Durrës po punojnë për kapjen e shtetasit A.A. 45 vjeç, banues në Kërtushaj, Ishëm. Një ditë më parë, rreth orës 21:30,në Kërtushaj, Ishëm, 45-vjeçari, për motive të dobëta ka kanosur me armë zjarri automatik shtetasin I.B., 32 vjeç, banues në Kërtushaj dhe më pas ka gjuajtur 5 herë në ajër me automatik afër oborrit të banesës së tij.
Me të marrë njoftimin kanë shkuar menjëherë në vendngjarje efektivat e policisë, të cilët kanë bërë këqyrjen e vendit të ngjarjes, mbledhjen e provave materiale dhe pyetjen e dëshmitarëve, të cilat kanë mundësuar identifikimin e autorit të dyshuar.
Në cilësinë e provave materiale u gjetën dhe sekuestruan 5 copë gëzhoja. Materialet i kaluan Prokurorisë Durrës, për veprime të mëtejshme për veprat penale”Kanosja”dhe”Prodhimi dhe mbajtja pa leje e armëve luftarake dhe e municionit”.
