Fqinji i familjarëve të Nevila Pjetrit, e cila u vra në Itali në orët e para të mëngjesit të shtunës, është shprehur se ata kanë vuajtur shumë gjatë gjithë jetës.
Ai rrëfeu për mediat se 36-vjeçarja është kujdesur për prindërit e saj, madje ka mbuluar edhe shpenzimet për t’i përcjellë për në banesën e fundit.
Ndërsa u shpreh se vëllezërit e viktimës, të cilët jetojnë në Elbasan, janë në gjendje shumë të rëndë ekonomike.
“Më ka ardhur keq. Kanë vuajtur të shkretët, gjithë jetë. Është kujdesur për të atin dhe të ëmën, ajo i ka futur në dhe’. Është e pabesueshme, vëllezërit janë në gjendje shumë të rënduar ekonomike”, tha fqinji i vëllezërve të Nevila Pjetrit.
Ndërsa kunata e 35-vjeçares deklaroi se kishte marrëdhënie shumë të mirë me viktimës, pasi ajo i gjendjen pranë në çdo moment dhe e konsideronte si motër.
Ajo tregoi se nuk kishte dijeni që Nevila Pjetri punonte si prostitutë në Itali, ashtu siç raportojnë mediat fqinje, teksa kërkoi nga shteti që t’i ndihmojnë të sjellin trupin e saj të pajetë në Shqipëri për t’i dhënë lamtumirën e fundit.
“Mbante kontakte me ne dhe na kishte vendosur në dijeni për gjithçka, ishte e lumtur me bashkëshortin e saj. Na ndihmonte ekonomikisht, kur kishim ndonjë problem. Ajo ishte për mua kaluar motrën, jo kunatë. Është tronditje e madhe. Nuk është e vërtetë. E di që është në punë, por të vërtetën e di vetëm ajo dhe Zoti lart. I jam mirënjohëse, më është gjendur pranë se kam qenë sëmurë, më ka ndenjur afër, më ka ndihmuar mua dhe vëllezërit e tjerë, edhe nënën e vet. Na ndihmonte sadopak”, u shpreh kunata.
/e.d
