Kryeministri Edi Rama e ka nisur me batuta dëshminë e tij në Komisionin Hetimor për Inceneratorët.
Ai i vuri në dukje kryetares së Komisionit, Jorida Tabakut, se ka shkelur procedurat e një komisioni parlamentar duke bërë komente politike karshi dëshmitarëve të mëparshëm.
I pyetur nga Tabaku, nëse Arben Ahmetaj ka përfituar nga Inceneratorët dhe nëse ai ka miqësi me sipërmarrësit e tyre, Rama tha se nuk studio miqësitë e qytetarëve.
Kryeministri nuk la pa thumbuar as Lulzim Bashën, i cili pak ditë më parë tha se në shkurt të 1991 ishte me pantallona të shkurtra dhe rrëzoi shtatoren e Enver Hoxhës.
“Unë e kuptoj që Big Brother ka krijuar një audiencë të madhe dhe ka pasur shumë mes nesh që e ka ndjekur. Por se kush është miku i kujt dhe se kush fle me kë, nuk janë të drejtat kushtetuese që t’i dijë kryeministri i Shqipërisë. Kjo është jashtë kompetencave të mia që të studio miqësitë. Unë jam i painteresuar, se tani kanë dalë në modë pantallonat e shkurtra në periudhë dimri. Por unë si zoti Rama jam i painteresuar” – tha Rama.
/JavaNews/a.r
