Sonila Muhametaj, e cila kandidon për të dytën herë për t’u bërë pjesë e SPAK, padit në Gjykatën e Apelit Administrativ, Këshillin e Lartë të Prokurorisë, dhe kërkon shpalljen e paligjshme të vendimit të këtij institucioni, që ka të bëjë me kriteret dhe procedurën e ngritjes në detyrë të prokurorëve.
Muhametaj, që është një prej 8 kandidatëve që garon për 3 vende vakante në Prokurorinë e Posaçme, i kërkon gjykatës të pezullojë procesin e emërimit dhe ngritjen në detyrë pranë SPAK, derisa të shqyrtohet padia e saj.
Muhametaj, ushtron aktualisht detyrën në prokurorinë e Tiranës ndërsa ma herët ka qenë prokurore në Prokurorinë për Krime të Rënda. Në padinë e depozituar në Administrative, ajo pretendon se rregullorja e miratuar nga ana e këshillit në të cilën janë përcaktuar kriteret për vlerësimin dhe pikëzimin e kandidatëve dhe më pas miratimin e listës dhe në fund emërimin e tyre pranë SPAK, bie në kundështim me ligjin.
Prokurorja Domi kundërshton pjesën e rregullores, ku thuhet se kandidatët duhet të kenë përvojë specifike, gjë që sipas saj është në klundërshtim me ligjin. Ndërsa thekson më tej, se Këshilli e ndryshoi rregulloren vetëm 10 ditë përpara se të hapte garën për në SPAK. Në këtë rregullore, janë parashikuar kritere specifike, cka lihet të nënkuptohet se mund të favorizojnë kandidatë të caktuar.
Një tjetër pikë që kundërshton Muhametaj, është se në rregullore është parashikuar “detyrimi per t’iu nënshtruar “kushteve të sigurisë” pra një VETINGU të dytë”, cka sipas saj nuk eshte i parashikuar aspak në ligj.
“Ligji kerkon qe kandidati te kete kaluar vetingun me vendim te formes se prere e te paankimueshem”, thekson Muhametaj në aktpadi.
Prokurorja kundërshton po ashtu edhe ndryshimin nga ane KLP, të skemës së vlerësimit për kandidatët, si dhe faktin se kandidatëve nuk iu vihen në dispozicion informacionet që i klasifikojnë si sekret, çka sipas saj, minojnë garën.
Krahas Sonila Mumahetaj, në garë për 3 vende vakante në SPAK janë është shtatë prokurorë të tjerë.
/f.s
