Kandidatja e “Aleancës për Shqipërinë Evropiane” për Bashkinë e Pogradecit, Diana Mile, zhvilloi një dëgjesë me sportistë, ish-sportistë dhe të rinj të Pogradecit. Në këtë aktivitet znj. Mile ishte e shoqëruar nga e deleguara e Lëvizjes Socialiste për Integrim në Pogradec, Klajda Gjosha. Takimi u bë me qëllim për të rikthyer traditën e sportit në qytetin e Pogradecit, rigjallërimin e tij duke e konsideruar si prioritet kryesor të programit të saj.
Mile u ndal në disa pika prioritare në këtë drejtim si krijimi i terreneve të reja sportive, nxitja e sportit në shkolla, ndërtimin e një kompleksi sportive për të gjitha sportet që do të përfshijë të gjithë Bashkinë e madhe të Pogradecit.
Ajo theksoi se është detyrë e pushtetit lokal të rigjallërojë jetën në qytet duke nxitur kryerjen e sa më shumë aktiviteti fizik por mbi të gjitha duke e konsideruar sportin edhe si një aktivitet social.
