Kamerat amatore kanë regjistruar një fenomen të pazakontë mbi qiellin e kryeqytetit të Australisë, Kanberra. Një dritë e fortë në formë rrethore u shfaq paptritur dhe u zhduk po me aq shpejtësi gjatë një stuhie.
Drita nuk shoqërohet me zhurmën karakteristike të rrufesë, ndaj ufologët shprehën të bindur se bëhet fjalë për jashtëtokësorë, që kanë udhëtuar drejt një dimensioni tjetër. Teoria e tyre bazohet më shumë në skenarët hollivudianë të filmave fantastiko-shkencorë. Pamjet në fillim u publikuan në rrjetet sociale pastaj u shpërndanë në mediat ndërkombëtare.
