Tre persona janë vënë në prangat e policisë, pasi kishin mbjellë kanabis sativa në oborret e shtëpive të tyre.
Efektivët e policisë Tepelenë, në vijim të kontrollit të territorit, me qëllim evidentimin dhe goditjen e tentativave për kultivim të bimëve narkotike, duke u bazuar edhe në informacionet e siguruara në rrugë operative, arrestuan në flagrancë R. M., 32 vjeç, I. A., 62 vjeç dhe M. K., 53 vjeç, banues në fshatin Dukaj, Tepelenë.
Arrestimi i tyre u bë pasi gjatë kontrollit të ushtruar nga shërbimet e policisë, në oborret e banesave të tyre u konstatuan të kultivuara bimë narkotike kanabis sativa.
Ndaj të dyshuarve hetimet janë në vijim, ndërkohë që materialet iu referuan Prokurorisë Gjirokastër, për veprime të mëtejshme.
/a.r
