Skënderbeu shkon në pushim si kampion i Shqipërisë për të shtatën herë në histori dhe për të gjashtën herë radhazi. Skuadra e Mirel Josës kryeson 1-0 në Vlorë kundër Flamurtarit, falë golit të shënuar nga Liridon Latifi, në minutën e 8-të.
Në Tiranë, Partizani u përgjigj me Xhevahir Sukajn në minutën e 36-të, duke e myllur gjithashtu në epërsi 1-0 pjesën e parë të ndeshjes kundër Teutës. Një fitore që nuk mjafton nëse Flamurtari nuk barazon apo fiton kundër Skënderbeut.
Në ndeshjet e tjera, barazime pa gola midis Kukësit e Tiranës, Laçit e Tërbunit dhe Vllaznisë e Bylisit.
Me këto rezultate, Skënderbeu është kampion, Partizani e Kukësi luajnë në Kupën UEFA, ndërsa Bylis bie nga kategoria, bashkë me Tërbunin që është i rënë tashmë.
Në vallen e rënies janë teorikisht Laçi e Bylis, pavarësisht zërave të pasaktë që tërheqin brenda saj edhe Flamurtarin, i shpëtuar matematikisht.
D.Ikonomi
