Trafiku 119 kg kokainë, policia ndalon një agjent të AKU në portin e Durrësit dhe një agjent doganor. Nga hetimet dyshohen për shpërdorim detyre dhe mos ndjekien e procedurave standarte të kontrollit të kontenierit me banane e kokainë.
Si ndodhi ngjarja? Në orën 18:16 minuta të 30 dhjetorit 2021 shoferi Hasan Salihu ka shkuar për të marrë konteinerin me banane në Portin e Durrësit. Konteineri është skanuar në Port dhe ka rezultuar krejtësisht i pastër. Referuar dëshmisë së tij para hetuesve, teksa po lëvizte me kamionin katër persona i prenë rrugën në Romanat.
Njëri prej tyre i hyri në kabinë dhe iu prezantua si shteti, ndërsa e kërcënoi: “Jemi shteti, mbyll gojën se përndryshe të shuajmë familjen”.
Tre të tjerët kanë mundur të hyjnë brenda konteinerit dhe kanë bërë rrëmujë gjithçka dhe më pas janë larguar. Ata ishin në kërkim të lëndës narkotike, por nuk kanë mundur ta gjejnë.
Pas largimit, shoferi ka vazhduar rrugën dhe nuk ka njoftuar policinë, por përfaqësuesit e firmës. Më pas Trifon Murataj, pronari i kompanisë së bananeve Zico Sha, 1 ditë me vonesë ka njoftuar Gledis Nanon në telefon dhe policia ka shkuar në magazinat e firmës dhe ka zbuluar drogën. Më herët gjykata la ne burg 3 të arrestuarit menaxherin Marson Murataj, Gëzim Kalaja dhe shoferin Hasan Salihu./m.j
Kamioni duhet te dilte i paster se kish dhe urdher zv ministri qe ka qene drejtor I pergjithshem i policise, miku kryeministrit. Keshtu do shfryhet kjo komardare,duke burgosur “kapterat” e ngrate.