Donte të rrëmbente fëmijën e një klienteje në restorantin ku punonte si kamariere, por kamerat e sigurisë të instaluara brenda lokalit, filmuan gjithë skenën dhe fatmirësisht grabitja u zbulua në pak orë.
Gjithçka ndodhi në qytetin e Shiyan në Kinë, ku klientja i kishte lënë në kujdestari djalin 10 muajsh kamerieres, pasi duhet të largohej për pak minuta. Por në kthimin e saj në restorant, as djali dhe as kamerierja nuk ishin më, shkruan noa.al. Kamerat e sigurisë filmuan gjithë skenën, ku kamerierja mori në krahë vogëlushin dhe doli nga lokali.
Policia pasi vëzhgoi filmimet mundi të zbulojë rrëmbimin duke e dorëzuar foshnjën tek nëna shëndoshë e mirë. Ngjarja që shikoni në videon më poshtë ka ndodhur gjatë kësaj të premte, por fatmirësisht gjithçka u zbulua në kohë./noa/a.k
