Thomas Strakosha është një nga lojtarët e momentit te Lazio. Portieri i talentuar shqiptar i cili ka spikatur me paraqitjet e tij fantastike në dy sfidat e fundit të skuadrës bardhekaltër në Serinë A ndaj Milanit dhe Empolit ishte nga 4 futbollistët e përzgjedhur nga Lazio për të marrë pjesë në eventin e bamirësisë të mbajtur në qytezën e Amatrices mbrëmjen e të mërkurës. Strakosha në këtë event bamirësie që u organizua për ti ardhur në ndihmë qytezës së rrënuar nga tërmeti që goditi së fundmi Italinë, u shfaq në një version ndryshe.
Në eventin ku ishte i pranishëm edhe presidenti i Lazios Claudio Lottito, portieri shqiptar sëbashku me shokët e skuadrës Parolo, Prce dhe Cataldi bëri kamarierin, një profesion të cilin për një natë Strakosha e realizoi shumë mirë. Në këtë mbrëmje Starkosha me shokë firmosën autografe ndërsa u shitën edhe shumë fanella të Lazios. Federico Marchetti vazhdon të jetë i dëmtuar, me Strakoshën që do të aktivizohet sërish si titullar këtë fundjavë në sfidën ndaj Udineses. Nëse vazhdon me këto ritme 21-vjecari shqiptar ka shanse të mira për ta ulur përfundimisht në stol Marchettin edhe kur italiani të rikthehet nga dëmtimi.
SS/d.i.
