Një denoncim aspak i zakonshëm është bërë nga një ish-i dënuar, i cili ka bërë 12 vjet burg. Ai deklaron se ka punuar për kreun aktual të Bashkisë Këlcyrë, Klement Ndoni, duke trafikuar drogë. Personi që ngre akuzat është Bardhi Nanollari, i cili u dënua me 12 vjet brug për trafik të 100 kilogramëve hashash drejt Greqisë.
Këtë veprimtari, ai rrëfen se e ka bërë disa herë për Donin, kreun e Bashkisë të Këlcyrës zgjedhur nga PS, por ai jo vetëm që nuk u dënua, por tashmë ka një detyrë të lartë shtetërore. Nunollari rrëfen me detaje se si trafikonte drogë për llogari të Ndonit me kamionin e tij. Gjithashtu, ai shprehet se këtë gjë ua ka treguar edhe prokurorëve, por nuk është marrë parasysh.
“Bleva kamion u bëra shofer, punoja për të. Ai tha se i ka marrë masat, s’ke punë fare, sa ta lësh atje. 10 mijë euro m’u dukën shumë, që s’i kisha bërë për 10 vjet punë. Ndoni më ofroi atë punë, më mori në telefon. Kam ikur për Greqi, deri në doganë më shoqëroi ai. Më pas se di ç’drejtim mori. Tek trari më kthyen mbrapsht ata të Doganës, filluan kontroll te gomat. Mora Ndonin i thashë” “Ka gjë në goma?” “Jo”, tha ai. Ika mora rrugën e Greqisë, u hodha nga gardhi e lash kamionin dhe ika. S’pata më komunikime me të, në Greqi më kërcënonin. Pastaj vetë personi më tha mos u mërzit se do të ulim dënimin. Mora vesh nga miqtë e mi që u dënova 12 vjet, erdha në Shqipëri bëra burgun, u dorëzova vet në Përmet. Më kanë sjellë edhe Klement Ndonin, ai tha nuk e njoh fare nuk e kam takuar ndonjëherë, para prokurorëve”, rrëfen në video Nanollari.
“Kërkoj drejtësi, edhe bashkëpunëtorët e mi duhet të bëjnë burg. Drejtësia nuk është vetëm për fukaranë është edhe për atë që është në pushtet. Klement Ndonit as dua t’i shoh surratin”, përfundon video. / jetaoshqef.al
