Vetëm pak ditë pasi deklaroi se ka prova tronditëse për drejtësinë shqiptare, djali i një prej të vrarëve në protestën e 21 Janarit deklaron se është është kërcënuar me jetë.
Renato Myrtaj ka treguar sot se në adresë të familjes së tij është dërguar një kurorë funerali dhe një letër, ndërsa ai vetë thotë se për pak ditë do t’i publikojë provat.
Ai tha se provat i ka në disa kopje dhe eliminimi i tij i mundshëm nuk do t’i zhdukte ato.
Më herët, Myrtaj kishte shprehur zhgënjimin e tij ndaj drejtësisë dhe politikës ndërsa tha se provat i ruan jashtë vendit dhe për to fisi i tij ka paguar shuma të mëdha parash që t’i siguronte.
(javanews.al / a.r)
