Grupi parlamentar i PS pritet të mblidhet sot nën drejtimin e kryeministrit Edi Rama, i cili ka paralajmëruar edhe disa “surpriza” për kryetarin e PD, Lulzim Basha.
Besohet se tema e diskutimit do jenë ngjarjet e fundit, sidomos çështja “Babalja”, e cila rezultoi një mashtrim dhe prokuroria kërkoi arrestimin e personazhit kryesor, ose sic njihej “Deshmitari X”, i PD.
Para dy ditësh kur foli prokuroria, kryeministri Rama kishte një paralajmërim për kryetarin e PD, Lulzim Basha, pasi te dy u perfshine ne debat.
“Qetësohu Lulëzim!Mos bëj nevrikun kot xhan se s’ta ka fajin askush që e bëre Shqupin Kinostudio. Tani fli deri pasnesër kur të kem ca të reja për ty e për tërë lehaqeniet e klubeve politike e mediatike, që siç dhunuan 10 ditë rresht një vajzë dhunojnë përditë publikun shqiptar”, shkruante Rama në statusin e para dy ditëve.
Pas publikimit te ekspertizës, ku ‘audiopergjimi’ ku akuzohej vëllai i ministrit të brendshëm, rezultoi montazh, prokuroria kërkoi burg për Albert Veliun të njohur edhe si ‘Babalja’ dhe për kunatin e tij.
Kreu i PD, Lulzim Basha, në reagimin e tij tha se përfundimi i prokurorisë së komanduar nga Rama ishte i pritshëm.
Te presim te rejat e Rames!
Javanews/a.ç
