Një vajzë irakene e quajtur Nadia Murad ka rrëfyer vuajtjet e saj gjatë kohës që ka kaluar teksa mbahej peng si si skllave seksi e terroristëve të ISIS-it. Ajo është rrahur sistematikisht dhe ka kaluar nga dora në dorë, pa e ditur se çfarë do të ndodhte me të.
E gjitha është botuar në një libër, duke shpjeguar përvojën e saj të tmerrshme në një fshat të Irakut. Nadia ka qenë atje ashtu si 7 mijë gra të kapura nga luftëtarët. Pesë nga tetë vëllezërit e saj i ka të vrarë, ashtu si edhe nënën.
Ja rrëfimi i saj në mënyrë të përmbledhur:
Nuk është e lehtë të tregosh historinë tënde. Çdo herë që e nis, duket sikur e përjeton akoma, por historia ime është arma më e mirë që kam kundër terrorizmit dhe kam në plan ta përdor atë deri sa terroristët të vihen në gjyq. E keni idenë kur të hap dikush derën dhe nuk e di se kush është ai? Një herë u përpoqa të arratisesha, por më kapi roja. Më pas u përdhunova nga gjashtë burra dhe humba ndjenjat. Brenda javës të njëjtën gjë më bënë gjashtë burra të tjerë, derisa më shitën. Në fund ia dola të arratisesha, pasi isha rrahur qindra herë. Kapërceva muret e shtëpisë së pronarit tim dhe kërkova ndihmë. Fatmirësisht, më ndihmoi një grup refugjatësh.
/a.m.
