Të të zërë gjumi teksa tundesh nga dallgët e detit, mes peshqve shumëngjyrësh të Gjirit Persik tani do të jetë e mundur.
Nga 2018 do të jenë gati 125 vila lundruese në brendësi të arkipepagut artificial “Heart of Europe” (Zemra e Europës) dhe një vilë e tillë do të kushtojë 3 milion euro.
Pamjet në këtë galeri tregojnë vilën e parë të kompletuar nënujore. Bëhet fjalë për një vilë të instaluar rreth 2 milje në distancë nga plazhi i Dubait. Sipërfaqja e saj 4000 metra katrorë do të ndahet në tre kate, dy mbi nivelin e detit dhe një nën ujë.
Banjoja dhe dhomat e gjumit gjenden në planin poshtë, në mënyrë që të ftuarit në vilë mund të flenë duke shijuar pamjen nënujore, ndërsa kuzhina, salla e ngrënies dhe një platforme për të marrë rreze dielli do të jenë në platformën e sipërme.
Në katin e fundit, do të ketë një tarracë-bar. Përveç ajrit të kondicionuar dhe televizorit satelitor, çdo vilë do të ketë një kujdestar dhe një kuzhinier privat.
