Shkencëtarët amerikanë kanë bërë të ditur që konsumimi i produkteve që përmbajnë kakao, duke përfshirë çokollatën e zezë, mund të ulin nivelin e kolesterinës së keqe (LDL) dhe kolesterinën e përgjithshme.
Kakao është i pasur me flavanole, komponimet natyrale kimike, për të cilat ekzistojnë dëshmi që tregojnë që këto komponime ndikojnë pozitivisht në koncentrimin e yndyrave (lipideve) në gjak: trigliceridet, kolesterina LDL dhe kolesterina HDL (kolesterina e mirë), transmeton Koha.net.
Ekspertët thonë që me mbajtjen e vlerave normale të lipideve në gjak parandalohet zhvillimi i sëmundjeve kardiovaskulare.
Efekti pozitiv i çokollatës së zezë dhe i produkteve të tjera të cilat përmbajnë kakao në vlerën e kolesterinës në gjak është më i rëndësishëm te personat me rrezik më të madh nga zhvillimi i sëmundjeve kardiovaskulare.
Megjithatë, mjekët thonë që janë të nevojshme edhe hulumtime të tjera me qëllimin e përcaktimit të dozës ditore të flavanoleve, të cilat do të ishin të aplikueshme për çdo ditë. (b.an)
