Në konventën e 7-të të jashtëzakonshme të PDK-së, Hajredin Kuçi, pasi deklaroi se në garën për kryetar të partisë është vetëm një kandidat, propozoi që votimi të shkojë me vota të hapura.
Për këtë propozim, shumica ishin pro, 5 ishin kundër dhe vetëm një abstenim. Ai që abstenoi ishte pikërisht Kadri Veseli, kandidati i vetëm për kryetar të kësaj partie.
“Faleminderit për besimin që keni treguar ndaj meje. Dua që në fillim të theksoj falënderimin tonë të përbashkët për njeriun që themeloi partinë, forcoi dhe fitoi… ish-kryetarin e PDK-së, presidentin e Kosovës, z. Hashim Thaçi”, ka thënë në hyrje të fjalimit të tij Veseli, pas marrjes së postit drejtues të partisë, raporton Koha.net. (b.an)
