Kryetari i Kuvendit të Kosovës, Kadri Veseli, i cili është edhe kryetar i Partisë Demokratike të Kosovës, është shprehu optimist se liberalizimi i vizave për qytetarët e Kosovës do të ndodhë brenda këtij viti.
“Nuk ka standard të Bashkimit Evropian për liberalizimin e vizave të cilin nuk e ka përmbushur Kosova. A e di se ç’mund të ndodhë që BE-ja të mos ia japë Kosovës liberalizimin e vizave? Vetëm një sjellje irracionale”, ka thënë Veseli për televizionin publik.
Ai i ka dhënë mbështetje presidentit të Kosovës, Hashim Thaçi, në drejtimin e dialogut më Serbinë. “Në Rambuje a humbëm nga presidenti Thaçi?
Kush mund t’u garantojë bashkëqytetarëve të Kosovës më shumë se sa Thaçi që ka përvojën, që ka aftësi e mençuri në komunikim?”, ka thënë Veseli. Lideri i PDK-së nuk e ka parë të qëlluar idenë që vendi të shkojë në zgjedhje të parakohshme, përgatiti Koha. (b.an)
