Masën e sigurisë së gjykatës për detyrim paraqitje dhe ndalim të daljes jashtë Shqipërisë, ish-Kryeministri Sali Berisha e konsideron de facto formë arrestimi me detyrim paraqitje.
Këtë deklaratë Berisha e bëri në studion e emisionit Opinion në Tv Klan, ku tha se masa e sigurisë ndaj tij është e pavlefshme pasi duhej të ishte marrë fillimisht autorizim nga Kuvendi.
“Më lejo të garantoj qytetarët se jam i gatshëm të paraqitem para çdo institucioni akuze dhe gjykate në çdo kohë që të kërkohem pa asnjë hezitim. E kam shprehur në mënyrën më të përsëritur që pavarësisht se çfarë konsiderate ke për personin që të thërret për të marrë në pyetje, nuk duhet refuzuar kurrë sepse në qoftë se ndodh kjo kalon në fazën parashtetërore dhe unë nuk jam për fazën parashtetërore, jam për shtetin ligjor.
Por, çfarë ndodh aty? Një gjykatëse merr përsipër të shkruajë në tryezën e saj Kushtetutën. Akti më i rëndë që mund të bëjë një prokuror ose një gjykatës. Të shkruajë Kushtetutën duke shkelmuar me të dy këmbët Konventën Europiane të të Drejtave të Njeriut, liria e lëvizjes.
Jam shumë i çliruar duke qenë autor i amendamentit të heqjes së çdo lloj kufizimi për deputetët dhe zyrtarët para drejtësisë, këtë amendament e rrëzoi Edi Rama në 2012 me pretekstin se na arreston Sali Berisha. Tani unë jam këtu dhe i them Edi Ramës bëhu burrë të votojmë amendamentin.
Është njëlloj heqje lirie, derisa më merr pasaportën unë nuk shkoj jashtë shtetit. Kërkon dorëzimin e pasaportës, është në vendim. De facto kjo është një formë arrestimi me detyrim paraqitje”, u shpreh ish-Kryeministri Sali Berisha.
/a.r
Sala eshte njishi jo di Edi dhe ca si Ballukrat Kumbaro Spirspli Majlinda Bregu hajdutet qr tundet vetem
Nëse ky Berisha shpëton nga kjo akuzë, ai duhet të jetë gjeni që sfidon USA-n ose është një vegël e USA thjesht për të mbajtur gjoja politikën shqiptare aktive. Sidoqoftë ai është një vegël dhe nuk besoj se do ketë qetësi shpirtërore dhe mendore, por i duhet të shohë fëmijët tek sa gjykohen
Te erdhi fundi o malok vorrin eke t’hapun