Ka vetëm një person në botë që ende nuk e di për vdekjen e Maradonës: S’mund t’i them, do ishte fatale

Ditë zie për gjithë futbollin botëror! Diego Armando Maradona ka ndërruar jetë dhe nga nesër të gjithë do të zgjohen me mungesën e një legjende. Reagimi ka ardhur nga të gjitha personalitetet e njohura, por është një person që ende nuk e di që Maradona nuk jeton më.

Ai është Carlos Bilardo, ish-trajneri i Argjentinës, i cili ka fituar Kupën e Botës në vitin 1986 së bashku me Maradonën. Tashmë në moshën 82-vjeçare, Bilardo vuan nga shumë probleme shëndetësore dhe familja e tij vazhdon të fshehë vdekjen e Diegos.

“Nuk mund t’i them se Diego ka vdekur. Si mund t’i them? Ata kishin një marrëdhënie babë e bir”, tha vëllai i tij Jorge Bilardo.

“Infermierët që po e ndjekin vijueshmërinë e tij shëndetësore, ishin informuar tashmë, që nga dita kur Diego u shtrua në spital, se nëse do të ndodhte një gjë e tillë e keqe, televizioni do të duhej të fikej.

Ne i thamë se kishte një problem dhe ne vazhdojmë t’i tregojmë të njëjtën gjë. Unë nuk e di se çfarë do të ndodhë kur ai ta marrë vesh”, deklaroi Bilardo.

Carlos Bilardo udhëhoqi Argjentinën në tre Kupa Botërore, nga 1982 në 1990 dhe tha që Maradona ishte djali që nuk e kishte pasur kurrë.

g.kosovari