Arkitektja e famshme Zaha Hadid ka ndërruar jetë në moshën 65-vjeçare. Dizajnuesja britanike, e lindur në Irak, të enjten ka pasur një sulm në zemër në spitalin e Miamit, ku po trajtohej për bronkit.
Zaha Hadid ishte nderuar me medaljen e artë mbretërore për arkitekturë të RIBA-s (Royal Institute of British Architects) duke u bërë femra e parë që kishte marrë këtë çmim. Zaha Hadid u rrit në Irak para se të shkonte në Angli, për të vazhduar studimet në moshën 17-vjeçare.
Në vitin 1979 ajo hapi zyrën e saj në Londër. Fitoi reputacion në mbarë botën me veprat e saj teorike duke përfshirë “The Peak” në Hong-Kong, “Kurfurstendamm”në Berlin dhe “Cardiff Bay Opera House” në Wales.
Ka projektuar edhe Urën në Zaragoza të Spanjës; Muzeun në Glasgoë dhe Shtëpinë e Operës në Guangzhou.
