Të huajt vazhdojnë të përsërisin se korrupsioni në drejtësi, është problem kryesor për Shqipërinë.
Kështu është shprehur edhe ambasadori gjerman në Tiranë, Helmut Hoffman, në konferencën rajonale të integrimit Europian, organizuar nga Ministria e Jashme.
Sipas tij, ka gjyqtarë që në mëngjes marrin zarfin me para dhe pastaj shkojnë në punë.
“Lufta ndaj korrupsionit duhet të shtrihet së pari në drejtësi. Në Shqipëri shifrat e korrupsionit janë të larta. Ka gjykatës që marrin zarfin në mëngjes e pastaj shkojnë në punë. Kjo situatë nuk e ndihmon aspak vendin tuaj” u shpreh ambasadori.
