Kryefamiljari, i cili zbuloi foshnjën e pajetë të lindur nga gruaja e tij brenda valixhes në banesë, ka rrëfyer detaje për mediat.
Ai tha se punonte si emigrant në Greqi dhe ishte kthyer në shtëpi para një muaji. Shtetasi me iniciale K. A., tregoi se dyshon që bashkëshortja ka abortuar foshnjën para se ai të kthehej në banesë, ndërsa shtoi se nuk beson që fëmija ishte i tij.
“Isha jashtë, erdha para 1 muaji. Dyshimi është që ka abortuar para 1 muaji, para se të vija unë. Nuk e di a është fëmija im, besoj se jo. Gjashtë muajt e fundit kam jetuar jashtë, për bashkëshorten nuk kujdesej njeri. Ajo jetonte vetëm me djalin”, u shpreh kryefamiljari.
Ngjarja tronditëse u zbulua mëngjesin e së hënës në lagjen numër 15 të qytetit të Korçës.
Kryefamiljari prej një muaji ndiente aromën e rëndë në shtëpi, por vetëm ditën e sotme ka zbuluar shkakun.
Ai gjeti trupin e pajetë të foshnjën në një valixhe brenda dollapit dhe njoftoi policinë. Bashkëshortja e tij, e cila prej 3 vitesh mësohet se ka shfaqur probleme të shëndetit mendor, është transportuar në maternitetin e qytetit, për ekzaminime të mëtejshme.
Mjekia ka deklaruar për mediat se 40-vjeçarja ka probleme të personalitetit. Sipas mjekes, gruaja pretendon se është dikush tjetër dhe se foshnja nuk është i saj.
g.kosovari
