Juventusi raportohet se javën e ardhshme do të takohet me agjentin e Alexis Sanchezit për të ulur çmimin prej 42 milionë eurove që e ka caktuar Arsenali për sulmuesin kilian.
Kiliani për vjet të tëra ka qenë në radarin e kampionit italian që sivjet thuhet se ka mundësi ta transferojë 27-vjeçarin.Klubi italian është në kërkim të zëvendësuesit të Alvaro Moratas, i cili u rikthye te Real Madridi për 30 milionë euro.
Sipas Telelombardia, Juventusi do të takohet me agjentin Fernando Felicevich për të biseduar rreth çmimit të Sanchezit.
Sanchez në tregun aktual besohet se kushton 55 milionë, derisa kontrata e tij skadon në qershor të vitit 2018, referon Koha. (b.an)
