Juventusi duket se është fiksuar me serbin Milinkoviç Saviç. “Zonja” është e gatshme të japë dy lojtarë dhe para, në këmbim për mesfushorin e talentuar të Lacios.
Siç raporton “Sport Mediaset”, Fabio Paratiçi është gati t’i japë Lacios, para dhe dy lojtarë, të cilët janë Spinacola dhe Romero, mbrojtësi i Xhenoas, i cili është bllokuar nga Juventusi.
Tashmë “topi” i shkon Lacios për të vendosur nëse do të shesë serbin ose jo. “Zonja” është gati të bëjë një sakrificë financiare, por jo aq të madhe sa kërkon presidenti i kryeqytetasve, Klaudio Lotito.
Juventusi kërkon cilësi në mesfushë, pasi këtë sezon kishte shumë muskuj dhe pak klas. Mbetet të shihet tashmë se cili do të jetë fati i lojtarit.
g.kosovari
